Ian新歌mv請來袁澧林擔任女主角。
MIRROR成員陳卓賢(Ian)的新歌《留一天與你喘息》，MV於今晚9時播出，而上架只是短短半小時已有近5萬點撃，認真犀利！今次MV找來袁澧林擔任女主角，二人齊齊扮演精神病患者。
他們在MV中被標籤為異類，一度逃離精神病院，得到了前所未有過的自由，可是對於前路卻茫無頭緒，但男主角認為最重要的人在身邊已經很足夠。自言慢熱的Ian表示很感激袁澧林的參與︰「佢幫咗我好多，我哋第一場戲就要拖手，我本身有啲慢熱，但原來佢好easy going，成日喺度講笑，先令到氣氛冇咁尷尬。」
新歌帶出陪伴感覺
Ian透露已寫了幾首曲風類同的作品，最後揀了《留一天與你喘息》的旋律，原來是有特別用意，「呢首歌嘅旋律，開始寫時係情歌同時帶點溫暖，同我想表達嘅主題好切合，同填詞人Oscar溝通過後，寫咗呢個題材，歌名叫《留一天與你喘息》，照字面解，就係喺好忙碌、抖唔到氣嘅生活當中，都可以留到一日同你一齊，令我可以有喘息嘅機會，放低一啲壓力，因為有你喺我身邊。當中表達嘅『你』，唔淨係得一個人，亦可以係一大班人。」
Ian認為若果不說出來，大家也不知道他們扮的是精神病患者。
答謝粉絲支持
Ian稱今次新歌是多謝粉絲的作品，他說：「入行以嚟都有高低起伏，但每次喺台上演出嘅時候，都望到台下呢班支持者，所以呢首歌有一個更重要嘅訊息，就係無論世界發生緊咩事，有幾危險，都仲有大家嘅存在，一班好重要嘅人。」
Ian又透露，今年將會推出不同曲風的作品，並稱自己正為唱作歌手的路費煞思量︰「現階段仍處於想寫乜嘢題材，邊種曲風可以配合到，就創作首歌出嚟，我喺度諗，應唔應該好似某啲唱作歌手咁，做到一提起佢就知佢風格係點，甚至係一聽前奏就知係佢嘅作品。」雖然如此，但Ian肯定的是，他比較喜歡參與創作。
Ian這個純白造型很不錯。
Ian預告今年有不少作品推出。
amJetso 送BIODERMA救星小紅瓶🩷護膚恩物 立即按此參加👇
