陳奐仁到新城電台接受《勁爆樂勢力》錄音訪問。
陳奐仁（Hanjin）將於10月5日假座東蒲胡李名靜體育館舉行《陳奐仁Raw Jazz 15周年爵士音樂會》，慶祝入行15周年，日前到新城電台接受《勁爆樂勢力》錄音訪問，表示今次音樂會中文名叫「攞着數」，更表示開騷前會有酒飲。
Hanjin細訴於2009年推出首張《Raw Jazz》爵士碟時遇上阻滯，「一開頭唔係想做Jazz，我想做搖滾明星，去酒吧唱搖滾歌，參加搖滾比賽，攞晒啲獎，覺得自己應該有機會啦，又唱得又彈得，點知唱片公司個個都話我唔睇得，個樣同音樂好唔夾，所以嗰時搵唔到人出碟，我一句粗口，咪自己出囉，後來出錢搵朋友幫手出咗隻碟。」
陳奐仁將於10月初舉行《陳奐仁Raw Jazz 15周年爵士音樂會》。
成功推出唱片的Hanjin，心情卻猶如坐過山車，「Jazz碟比較冷門，賣唔好冇人怪你，好彩隻碟成績都唔錯，跟住再做其他流行碟，又開紅館騷，我又淆底，問主辦單位有咩可以再好啲，佢話『你可以紅啲』，後尾為咗想紅啲就去咗拍劇，拍完劇入咗屋就紅咗啲。」Hanjin透露當時走出街，會有不少途人跟他打招呼，去街市買菜又會有不少贈品，「幾好呀，好似我偶像周潤發話齋，佢話佢有七百萬個親戚。」
主持黎莉問Hanjin在「紅咗啲」的時候可有感到開心？Hanjin坦言沒有，「我擺明唔係劉德華嘛，尤其係嗰一刻，我只係一個比較出名嘅音樂人或者唱片監製，我憑電影《李小龍》攞金像獎最佳新演員，除咗我父母好開心、我啲朋友好開心，同埋劇組好開心，我冇見到咩好大分別，啲影帝成日話一攞金像獎，你之後一兩年都唔使撈，因為你一攞獎，啲人覺得你加咗價。」
陳奐仁2009年推出首張《Raw Jazz》爵士碟。
Hanjin至今仍繼續堅持他的音樂夢，但其實要搵錢有很多不同途徑，Hanjin笑稱，「我諗我唔夠貪錢，又好固執，想追個夢，我冇黃貫中咁靚仔，不過經歷咗咁多嘢都開心，拍戲有獎嘅，又喺香港搵到一個舒適嘅生活，有七百萬個親戚，所以人生好理想。」
陳奐仁仍繼續堅持他的音樂夢。
