由導演陳小娟執導、黃秋生及菲籍女演員姬素．孔尚治(Crisel Consunji)主演的《淪落人》，不但在香港奪得多個獎項，更在意大利的《烏甸尼遠東電影節》奪得多個項，黃秋生等人獲獎後昨日返抵香港，他說日後或以分紅形式，來代替片酬。
《淪落人》這次獲得「觀眾票選金桑獎」(Golden Mulberry Audience Award)及「影評人黑龍大獎」(Black Dragon Award)，黃秋生更憑此片獲頒「傑出成就金桑獎」合共3個獎項。在抵港大堂接受訪問時，黃秋生說：「大會現場有句宣傳口號，意思類似係為皇帝鼓掌，得獎時三層樓都坐滿人一齊鼓掌，以前從未試過，感覺係用感動，都唔能夠形容到當時嘅感受。」陳小娟指，頒獎禮於當地晚上12時30分完成，所有儀式完畢已是凌晨2時，又大爆黃秋生得獎時非常緊張和眼濕濕，他聞言即說：「你睇到咩？不過真係有啲啲，我估應該係眼太乾！」
鼓勵演員選擇分紅制
問到陳小娟會否與黃秋生在合作，她稱：「有機會！而且會俾足片酬。」黃秋生即說：「呢啲將來嘅事我點知呀，或者我紅咗唔理佢呢！(是否會收足片酬？)我覺得分紅呢個方法較好，我唔貪心，有3,000萬票房，我收得仲多錢，新導演同演員可以試一試咁樣嘅合作形式，自己博下，如果覺得套戲唔得，拍嚟把鬼咩？」
陳小娟稱，若再合作定會給黃秋生片酬，黃秋生卻認為分紅更著數。
入App免費換走健康產品
