陳小春斷崖式衰老一臉皺紋？ 事隔一個月再極速回春

近年由「古惑仔」變成為「大灣仔」嘅陳小春，最近喺內地參與音樂劇《雄獅少年》演出，飾演一位舞獅界隱世高手。

上個月音樂劇宣傳期間，陳小春以劇中「二撇雞」造型現身，笑喺上嚟眼角皺紋浮晒出嚟，睇睇下小春個樣都幾似香港資深演員張雷，不過張雷70歲啦喎……唔少網民睇到張相都話小春「斷崖式衰老」，而呢張相亦因此被瘋傳。

但係近日陳小春出席內地舉行嘅「第5屆世界客屬青年大會」，有網民影到小春嘅狀態似乎精神返好多，「老態」冇晒！翻查資料，《雄獅少年》完show冇耐，可能休息夠，令小春極速回春！

原文刊登於 Yahoo 娛樂圈

amJetso送香港美酒佳餚巡禮-品味通行證 立即登入會員參加