陳慧嫻將於明年1月舉行40周年紅館個唱。
陳慧嫻將於明年1月底舉行40周年《The Fabulous 40 PriscillaLIVE IN HONG KONG 陳慧嫻演唱會》，相隔9年再踏紅館開個唱，慧嫻預告會有跳唱環節兼露肉，希望至少減20磅。嘉賓方面，慧嫻笑言，「軒仔成日話由細聽我D歌，又話好想嚟我演唱會唱，我都好希望佢嚟囉，我又想Twins一齊嚟玩跳舞街，重有Aga江海迦作咗首新歌比我，我都好想同佢一齊玩。」她也希望邀請新一代小鮮肉，「魏浚笙我覺得佢好靚仔呀，哈哈，唔知可唔可以邀請佢呢。」演唱會門票由$480-$980分三種票價，11月18-20日優先訂購，11月26分開發售。
陳慧嫻將於明年1月舉行40周年紅館個唱，現開始節食做運動備戰，目標是減20磅。
出道40年，陳慧嫻今次演唱會用了「花」作主題，演唱會海報化身為一朵超級大紅花，寓意由初開到盛放，展現不同階段歌唱事業上的轉變，以她的經典歌曲，帶歌迷穿越季節的輪迴。慧嫻表示，「以前演唱會，好多唔同造型我都試過，今次好想做返一個純綷嘅自己，音樂部份樂隊陣容強勁，仲會有弦樂合奏。我覺得我嘅事業都好似一次又一次嘅花期一樣，縱使每一次去到花期完結，大家覺得我好似會消失，其實我只係自己匿埋咗好好準備自己，等待下一次嘅花期出現。其實每一個人嘅人生都好似花期一樣，總會有高有低，但我非常幸運，因為fans總會好有耐性咁期待住我每一個花期嘅出現。」
陳慧嫻將於明年1月舉行40周年紅館個唱，希望請魏浚笙做嘉賓。
挑戰人生極限
今次演唱會是四面台的舞台設計，與觀眾拉近距離，目前我們已經籌備演唱會的流程，「可以講少少，會有一part好特別，我同3個自己跳舞，但要賣吓關子，哈哈，到時入場先知係點樣同3個自己跳舞。啲衫設計中，據知都有啲係好重好大件，設計師Kenneth又要我露肉(笑)，所以唔單止減肥，重要鍛鍊自己肌肉承托力。我最希望可以減20磅啦，哈哈。聽日開始閉關跟營養師減，狂做運動咁囉，今次會跳好多舞呀，有part 十幾分鐘medley，簡直係挑戰人生極限。」
amJetso 送BIODERMA救星小紅瓶🩷護膚恩物 立即按此參加👇
