陳瀅著比堅尼與Dada陳靜王敏奕跳落泳池 透視裝再惹時尚車禍？

女神陳瀅（Jeannie）外貌甜美，不過出道初期因身型遭抨擊，後來積極減肥，身材變得健康豐滿，不時於IG打卡晒美照。近日，陳瀅三點式泳衣美照激罕曝光，唔少網民都跪求正面！

陳瀅日前與陳靜 (Dada) 及王敏奕到泳池游夜水，Dada事後將短片放上IG分享；其中，陳瀅惹起極大迴響。從短片所見，陳瀅當時以紫色比堅尼上陣，對比Dada與王敏奕嘅泳裝打扮較為性感，三人又手拖手地跳落泳池，即使鏡頭僅是影到陳瀅背面和側面，但不難見到陳瀅嘅小蠻腰。

陳瀅又於IG派福利，上載一輯喺泳池邊嘅照片；陳瀅身穿黑色透視背心搭配Bra Top及黑色長褲，透視布料讓身形約隱約現，身材勁Fit，網民紛紛留言大讚其身形弗爆，甚至有網民留言指陳瀅太瘦，叫佢食多啲嘢。不過，都有部份網民直言陳瀅再次惹時尚車禍，表示睇唔明佢嘅衣著品味。其實，過往陳瀅已試過時裝車禍，有部分造型更將其身型缺點表露無遺，例如巴黎時裝周期間，佢就穿上布滿珠片嘅透視背心，內襯黑色Bra Top及長褲，披上黑色皮褸， 被指變身「進撃的希臘巨人」 。

原文刊登於 Yahoo 娛樂圈