2022-10-04 16:06:28

陳豪與陳茵媺「同框」感唔舒服讚老婆剷青look眼前一亮

陳豪、孔德賢及阮嘉敏日前出席保健品牌活動，陳豪甫出場已吸引大批在場人士蜂擁台前拍照，魅力驚人。近日他與太太陳茵媺為新劇《羅密歐與祝英台》開工，談到相隔10年再次同框拍劇，陳豪笑言有點「唔舒服」，「未試過用演戲身份對待大家，就算《天梯》時合作都唔係直接對手。」他更大爆對太太亦不太習慣，「好多劇本、rundown和對白需要出力記，同我一齊拍亦係一個挑戰。」對於太太的剷青霸氣造型，「愛妻號」陳豪表示欣賞：「今次佢角色女扮男裝，令人眼前一亮。」

操肌請教張繼聰

陳豪向來注重一家人的健康，身型fit爆的他分享操肌心得，原來全靠張繼聰提點，事緣兩人合作拍《誇世代》期間，陳豪向練得一身肌肉的張繼聰請教，「原來想要再大啲嘅肌肉，除咗研究健身方向，要再注重飲食、餐單配合，亦因為咁開始注重營養問題，就係呢一個開始，令自己對健身、對心臟健康、內臟健康嘅注重。」同場的孔德賢視陳豪為學習對象，他透露為趕拍民初劇《本尊就位》已超過40小時沒有睡眠，一個月內瘦了10公斤。阮嘉敏離開了《東張西望》後，近日完成新劇《靈戲逼人》拍攝，其中農曆七月拍的探靈戲份，最為難忘。