陶大宇與家儀拍拖逾15年，終於拉埋天窗。
陶大宇於2000年與任職設計師的黃慧寶結婚，但婚姻僅維持7年便告吹。其後陶大宇與傳媒高層拍拖，但陶大宇就一直將戀情保持低調。不經不覺二人拍拖逾15年，陶大宇在數年前表示有意再婚，但就未透露過任何詳情。
直至日前，「大姐明」林建明現身前亞視男演員杜挺豪的YouTube平台做嘉賓，同場還有他們的好友「家儀」，當家儀出場時，杜挺豪表示對方是他的記者朋友，家儀表示跟林建明最好朋友。大姐明就嗌家儀做陶太，令陶大宇已婚的消息曝光。
林建明嗌家儀做陶太
林建明就著家儀叫陶大宇唱歌，家儀即時彈起狂笑。林建明之後更指住女方表示「點解我哋無端端提起呢，係因為佢係陶太」，家儀即刻擘大個口得個窿，但之後都甜笑舉V，開心承認自己的身份。杜挺豪指「我唔知講唔講得呀」，家儀表示只要林建明講得就得，而林建明稱「冇嘢係唔講得，唔係假新聞、係事實就講得！這是開心事，唔怕！」
陶大宇與家儀於08年拍拖，兩年前他被問到會否考慮再婚時，他曾稱「始終都要啱時間，大家都知人生大事，唔係買棵菜咁簡單。結婚我係唔會唔結，因為呢個係最完美嘅人生。」他更形容跟女方「打風都打唔甩。」
陶大宇與家儀一齊去看劉德華演唱會。
【立即參加】送香港迪士尼樂園一日門票！
