![](https://cdn.am730.com.hk/s3fs-public/styles/article_image/public/2023-04/17_1.jpg?itok=CUf5TNyu)
趙希洛原來是幕後黑手,網民直指「估佢唔到」。
《隱形戰隊》將於本周大結局,之前一直被視為「四線閒角」的趙希洛,原來跟陳展鵬是劇中的終極大奸角,昨晚兩大奸角重聚更有火辣咀戲,吸睛度爆燈! 趙希洛飾演的阿Yan與展鵬扮演的匡勝天是戀人關係,為了幫助被判終身監禁的男友盡早出獄,阿Yan不但考入POTT,更甘願跟足勝天指示進行復仇大計,過程中壞事做盡!
昨晚可說是趙希洛施展渾身解數一集,無論是撒嬌、柔情、不捨、扮無辜及奸險冷笑等表情均拿捏到位,終一洗之前「可有可無」污名。對於跟陳展鵬拍攝咀戲,趙希洛指早在《乘勝追擊》已跟對方合作,不過當年的角色是暗戀對方,今次終成為戀人,她表示:「可能喺之前嘅《十八年後的終極告白2.0》拍得太多呢類戲,訓練有素,所以今次咀戲冇咁尷尬,而且展鵬亦贈我演激情戲嘅錦囊,因為我演呢方面嘅戲係最唔擅長;而最重要大家拍呢場戲嘅時候都好攰,我當時正為《有種好男人》、《愛.回家之開心速遞》及《隱形戰隊》同時開工,所以嗰段時間好攰,展鵬都同時開緊兩套劇,所以我哋唔使埋位時,都係喺張櫈度各自瞓覺,埋位就盡量一take完成。」
網民戥唔抵
趙希洛早於《萬千星輝頒獎典禮2019》已榮獲最佳女配角殊榮,演技深得觀眾認同,近日就有網民因為她在《隱形戰隊》中被安排成「四線閒角」而戥她不值,對此趙希洛感謝觀眾及網民對她的支持:「原來有咁多觀眾有留意自己嘅表現,覺得呢15年嘅演藝生涯冇白費,奈何要保密劇情,唔可以解釋,媽咪都有睇到話我成為四線閒角嘅報道,佢都好緊張,有打畀我問發生咩事,不過我都係用官腔答媽咪話多謝支持,叫佢繼續收睇。」
她稱不少朋友也有傳訊息給她,覺得大家好sweet。她亦在社交網留言:「大家係咪好surprise呢?隱形戰隊新CP:匡勝天X Yan。好耐冇同Jin Pang合作,上一次同佢合作原來已經係七年前嘅《乘勝狙擊》。七年後大家個樣都冇變,今次我終於唔使暗戀佢啦!」並特別鳴謝Jazz賜予一個如此好玩的角色。
![](https://cdn.am730.com.hk/s3fs-public/styles/article_image/public/2023-04/11_6.jpg?itok=p25Z1g4T)
趙希洛的演技向來獲觀眾認同。