雪姨日前相約香港開電視主播馬梓軒買年花。
「富貴KOL」雪姨(容可兒) 日前相約香港開電視主播馬梓軒，到中環花店選購年花。其中雪姨看中一棵價值四千多元的日本蝴蝶蘭，盼望新一年長開長有，雪姨表示：「過年我自己都鍾意買蘭花，因為我平時好忙冇時間打理，買蘭花就最好！老闆娘話大約十日先淋一次水，同埋放喺屋企的確可以增添賀年氣氛，所以我係幾鍾意嘅！」
雪姨自爆曾因講錯說話被掌嘴。
談及農曆新年有很多賀年美食，雪姨笑言最喜歡吃家人炮製的角仔，又自爆曾經禍從口出：「小朋友真係要遠離廚房，如果唔係好容易講錯嘢！以前細個我試過比婆婆掌嘴，因為當時我講咗句『哎呀！炸到裂開咗』所以千祈唔好亂講嘢，如果唔係會影響之後一年嘅運氣！」雪姨向來投資有道，曾試過一筆過斥資近千萬買樓，雪姨亦有分享心得：「我自己真心覺得財不入急門，真係要量力而為，同埋唔好人哋話買咩，就即刻盲目咁跟住去買！自己做多啲功課同資料蒐集，咁就唔會俾人呃喇！」
amJetso 送BIODERMA救星小紅瓶🩷護膚恩物 立即按此參加👇
