馬明否認為拍劇押後與湯洛雯婚期。
陳豪、馬國明、郭柏妍、蔡思貝、朱敏瀚、高海寧、劉穎鏇、戴祖儀及洪永城等，今日出席新劇《飛常日誌》的宣傳活動。有指馬國明為拍此劇，押後與湯洛雯的婚禮，他即場否認並稱婚禮會如期舉行。
陳豪稱，今次屬於客串性質，只有一場戲，就是扮演機管局主席。
對於《飛常日誌》被傳是《沖上雲霄III》，馬明說：「完全唔係，《飛常日誌》講機場管理嘅日常運作，以機場地勤工作為故事背景，所以只得10集。」有指他為拍此劇推遲與湯洛雯，馬明稱：「其實齣劇拍到接近尾聲，所以唔影響我定咗嘅計畫。」問到何時公開兩人的婚紗相，「呢啲要問番阿湯，佢想保持神秘，所以我唔可以講太多。」至於其舊愛黃心穎亦宣佈結婚，而且雙喜臨門，馬明只說：「恭喜，結婚點樣都係開心事。」
劉穎鏇指，終於夢想成真，可以穿空姐制服。
蔡思貝懶理網民喜好
首次與馬明合作的思貝，劇中演對方的前妻，而且有親熱戲份。對於有網民大談不愛其演出，她說：「你控制唔到人鍾意你或者憎你，冇乜所謂啦，想睇咪睇囉。」馬明亦幫口：「演員一定有人喜歡同唔喜歡，做好自己本份就得。」與湯洛雯感情要好的思貝，被問到有否收到囍帖，或被邀請擔任伴娘，「哈哈！你問返當事人，我唔知。」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
