將於5月20日舉行的法國尼斯國際影展，昨日公布入圍名單，由彭秀慧執導、周秀娜(Chrissie)和鄭欣宜(Joyce)主演的女性話題電影《29+1》獲提名4大獎項，包括最佳外語劇情片、最佳導演(外語劇情片)、最佳原創劇本(外語劇情片)；而Joyce更首次獲提名最佳女配角(外語劇情片)。
劇組得悉入圍尼斯國際影展後非常振奮，Joyce更加激動到喊，「係癲咗，喊到眼腫晒！我從來都對自己演戲冇信心，冇諗過有任何演戲上嘅提名，所以已經係贏咗。」她又稱，在拍攝時好質疑自己會否「影衰」這個角色，幸好在拍攝過程，得到導演的鼓勵，「多謝彭秀慧導演同蕭定一俾呢個機會我嘗試，你哋搵我好大膽呀！」
彭秀慧：獲4個提名是光榮事
同樣首次獲提名影展的界別獎項的彭秀慧，感到受寵若驚，「我自己有劇本、導演提名係好開心。希望套戲多啲人識、多啲人鍾意，獎項唔係自己控制，但得到4個提名係值得光榮嘅事。」Chrissie對此亦感到好興奮，「恭喜導演同Joyce，我對佢哋有信心，希望佢哋攞獎，我哋一齊去法國！」她又指，今次為5月上映的《29+1》打了支好大的強心針，希望香港上映時都有好成績。
入App免費換走健康產品
