Lilian Kan出席澳洲舉行的《魔法壞女巫》全球首映禮。
新片《魔法壞女巫》（Wicked）改編自人氣百老匯同名音樂劇，該片將於11月21日在香港上映，日前於澳洲悉尼舉行全球首映，一眾主演包括辛西婭艾利沃（Cynthia Erivo）、樂壇天后Ariana Grande、喬納森拜利（Jonathan Bailey ）Ethan Slater、謝夫高拔林 （Jeff Goldblum）及瑪麗莎博德（Marissa Bode）於State Theatre外鋪成的黃磚路（Yellow brick road） ，眾星一齊行「gold carpet」，毫不吝嗇與fans互動，還不時全場一同合唱電影的歌曲，有不少fans看到偶像時感覺落淚，場面感動。
今次香港的時裝品牌設計師簡幗儀（Lilian）獲邀前往參與，穿上她親手設計，以戲中主角Glinda為概念的粉紅花裙，現身首映時不停被各地媒體拍攝，更獲一眾主演青睞，無一不大讚她設計的主題花裙，當遇上Ariana 和Cynthia時，兩人更異口同聲表示：「So beautiful！Gorgeous！」得知Lilian是香港的代表，還大方向工作人員鏡頭say hello，表示要和香港的粉絲打招呼！
《魔法壞女巫》已在澳洲悉尼舉行全球首映。
親自設計兩條主題靚裙
第一次參與荷李活電影的首映禮，Lilian直言：「由獲邀得知可以參與時，已覺得好驚喜，更估唔到可以見到咁多位主角同到佢地傾偈，Ariana及Cynthia好nice，當同佢哋合照完之後，個腦第一句彈出嚟嘅係dream come true。」《魔法壞女巫》是由同名舞台劇改編，事有湊巧地亦係Lilian Kan人生第一套看的舞台劇！她說：「記得當時喺倫敦，諗住感受一下舞台劇，咁啱當時上映緊Wicked，睇完出嚟之後被Wicked震撼到，不論演員、歌曲、歌聲至到舞台設計同服裝，都令當時的我嘆為觀止，更令我成為咗Wicked嘅粉絲！」
作為時裝設計師，亦是Wicked粉絲的她，聽到舞台劇改編而成電影，已期待不已！所以得知獲邀出席世界首映禮後，她立即著手，除以Glinda設計粉紅花裙，也以Elphaba為概念設計出以黑綠為主調的女巫裙；提到兩條裙的設計概念，她說：「Glinda裙子用左代表佢嘅粉紅色，用上大量花朵同水晶釘珠，表達佢閃閃發光嘅個性，以及佢受歡迎嘅程度。Glinda係一個充滿自信同魅力嘅女生，裙子設計旨在體現呢一點，令人感受到佢快樂甜美嘅個性；至於Elphaba，佢角色則更為複雜、佢內心既脆弱又強大，呢個矛盾嘅特質令我決定使用多種不同的材料去創造更多紋理同層次感。裙子設計中加入咗豐富嘅布料和細膩嘅蕾絲，以反映佢深邃嘅情感與內心鬥爭。流動的絲帶就受到我最喜歡嘅歌曲《Defying Gravity》所啓發，象徵著Elphaba追求自由和突破束縛的勇氣。通過這兩條裙子的設計，我希望可以傳達Wicked 電影所傳遞關於友誼、勇氣同自我認同嘅深刻主題。」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
