Jeremy於本月推出個人歌曲。
MIRROR成員李駿傑(Jeremy)明天推出個人單曲，單飛成功。今日ViuTV總經理魯庭暉在IG發文，分享了Jeremy宣傳新歌的IG帖文及18年與金廣誠、花姐的對話截圖，並寫下關於因果的看法，藉此為Jeremy的新歌宣傳。
魯庭暉在IG大談因果藉此為Jeremy宣傳。
魯庭暉一早睇好Jeremy
魯庭暉稱自己是一個很信因果的人，並借電影《大隻佬》解釋因果，他續說︰「因，可以好細可以好大，幾年前我睇咗一個節目嘅決賽，結果我send咗一個message。又結果聽日我哋會有一個『新人』出現。」從對話截圖所見，魯庭暉在《全民造星》決賽當晚，在群組中說到以三場比賽來看，Jeremy應該在組合入面，並指交由金廣誠、花姐決定，而他們二人先後以「ok」的emoji留言。
自揭金廣誠暱稱
魯庭暉說︰「做一件事，唱一首歌，講一句說話，都係一個因，同時都係一個果。最後，我要強調兩點，1，冇錯，我叫金生做金爺，而為咗喺電話度容易搵佢，我個phone book 上面寫嘅係Kam Yeah。2 ，嗱嗱嗱，唔好話係我決定晒呀，根據WhatsApp文獻顯示，我提議㗎咋，佢哋自己決定㗎。」Jeremy隨即留言說︰「多謝魯生！謝謝你改變了我的人生。謝謝你給予我這麼多機會！謝謝你 一直都支持著我們MIRROR！」
🎁 amJetso請你睇《焚城》，快Ｄ開APP玩👇 👇
