盛勁為出賣麥明詩貼兩件頭泳裝，大讚好正。
「十優港姐」麥明詩(Louisa)與機師盛勁為(Keith)在三月尾舉行一連三場「勁甜麥」婚宴後，不時在社交網分享夫妻生活點滴，日前，二人終於有時間去馬爾代夫度蜜月，更頻頻出po高調放閃。
麥明詩曬一件頭泳衣出海，大騷長腿。
從相片及短片中可見，他們入住當地的Club Med Finolhu Villas，以最經濟的海灘別墅4晚收費低過30,000元，不過見麥明詩頻頻tag酒店，估計亦是有贊助。「麥氏夫婦」到馬爾代夫，當然享受陽光與海灘，玩盡大量水上活動，麥明詩以一件頭泳衣出海，大晒長腿；其後，盛勁為出賣老婆，貼出她坐在水邊晒太陽的兩件頭水著look，身材弗爆零贅肉，見她認真望住電腦工作，旁邊更放著豐富的早餐，盛勁為留言表示：「一早起身好正！」
盛勁為：睇一鑊笑一鑊
除此之外，二人又去潛水睇海龜及魔鬼魚，盛勁為表示是第一次見，麥明詩則謂：「其實海龜游得好快」，而最搞笑莫過於二人在泳池的浮板上，做水上瑜伽鬥平衡力，盛勁為笑說：「睇一鑊笑一鑊，佢話：『邊個最先跌落水五舊』」。
