姜大衛這身打扮，好有叔父味道。
由譚俊彥(Shaun)、李佳芯(Ali)、姜大衛、謝東閔、郭柏妍、黃庭鋒等主演的《麻雀樂團》(暫名)今日舉行試造型活動。姜大衛以一身唐裝打扮出現，甚有霸氣，他稱角色是一個舊派麻雀館老闆，但角色思維很新潮。
他笑言以前有個外號叫「麻雀王子」，但自己成日輸錢，經常上演「王子復仇記」，但始終輸多贏少。他稱以前很愛打麻雀，現時少了手癮，但為了拍攝會再約劇中的麻雀腳打幾圈，因為摸牌的動作要好好研究，以便拍攝。
姜大衛表示今次跟譚俊彥還會有故人之子感情，大家到時可能會想起狄龍。
由於早前姜大衛提起跟狄龍的恩怨，並稱譚俊彥比其子發展更好，今次二人在劇中有大量對手戲，會否擔憂令觀眾有其他聯想。姜大衛表示已跟譚俊彥合作過兩次，來到第三次已經很有默契，「大家都好熟，無話啲咩，大家都明個劇本。(劇情話你哋會爭執？)係生意上，戲入面個角色更有故人之子感情，不算複雜，很好玩。」
提到香港金像獎將於下月舉行，他憑《白日之下》入圍角逐最佳男配角，更是大熱門，他表示信心一定有，如有獎當然開心，「部戲已經得到觀眾認可，其實已經好開心！」問到未來可有其他電影工作，他表示暫時未有，但完成這部作品後，便會回大陸拍攝另一部劇集。
姜大衛換了另一件外套後，年輕幾歲。
同新演員最重要互相溝通
談到他近年跟不少新演員合作，他表示很開心，「依家多好多，作為一個電影人，係需要多啲新人，新嘅演員，新嘅工作人員。」對於早前盧宛茵稱被一些新人反過來教做戲，問到John哥有沒有同類遭遇，他說︰「我諗係互相，我立場嚟講我會俾意見新演員，亦都會喺新演員身上學師，依家演法同我哋嘅演法好唔一樣，因為觀眾接受嘅演法唔同咗，我哋以前係舊式，依家要新式啲。應該係大家多啲溝通，新嘅跟我哋學，我哋都要跟佢哋學！」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
