姜卓文分享自己曾被欺凌的慘痛經歷。
姜大衛（John哥）與太太李琳琳的細仔姜卓文（細John），參加ViuTV選秀節目《全民造星II》可惜48強止步，入行後參演電影《梅艷芳》、《臨時劫案》，還主演音樂劇《三少爺的劍》，機會接踵而來，星途發展不俗。
日前，姜卓文現身Podcast節目《Roll機》，分享自己曾被欺凌的慘痛經歷。影片中，姜卓文表示：「我以前俾人欺凌，啱啱返嚟香港，又鬼仔又肥仔，跟住又唔講中文。咁嗰時就有一個人就同我有啲唔啱嘅，去到中二啦，佢就有兩個好close嘅，佢哋又好welcome我入佢哋個group，幾個月之後我就feel到佢哋有轉變，bully我啦，挑撥離間啦。」有次，姜卓文作客帶他們返屋企玩，當時細John與兩人在房間，期間細John被串不舉，該名友人竟即場在他面前自瀆，更出言挑釁，他續說︰「佢話『你得唔得呀？』跟住我就除咗條褲，坐咗喺電腦面前…『咔嚓』！佢影咗我相，跟住第二日返學就唔同晒喇，我成個life就唔同咗。佢send晒出去呀！呢啲先叫丟臉吖嘛。」節目幾位主持聽完都替細John不值，一眾網民則大讚他叻仔。
立即更新/下載AM730手機APP 體驗升級功能
