黃凱芹宣布9月17日開騷。
黃凱芹將於下月17日於紅館舉行一場《細聽．黃凱芹35周年演唱會》，今日他在尖沙咀為個唱舉行記招，他表示因為場地限制，只能舉行一場，但直言「唔夠喉」，笑謂不介意一日連開三場。
他表示已經有一段時間沒見歌迷，適逢出道35年，預告個唱會有很多大合唱的歌曲，呼籲fans要背熟歌詞，舞台會上會有大字幕作提示。問到今次個唱嘉賓會否邀請周慧敏及黎瑞恩，他說︰「你哋估啦，覺得邊個最大機會，叫叫下就真！今次唔會請太多嘉賓，自己都有40幾首歌。」
黃凱芹獲主辦方送贈一世免費做美容療程貴賓卡。
預告個唱走狂野一面
他表示今次舞台以簡單典雅設計為主，因應疫情問題，不會與歌迷握手及擁抱。他透露請了陳華國設計衣服，當中會展示其狂野一面。他說︰「我唔係賣似，係賣唱，賣舞都有少少，件衫係好多窿，見唔見到嘢就唔知，但呢段時間都係會食得健康啲，少食肥膩嘢。」
入App免費換走健康產品
