阿正和Hillary和馬騮搣齊齊擔任《Dr. Any毛》嘉賓。
由楊偉倫(阿卵)主持的ViuTV新節目《Dr. Any毛》，今晚(21日)請來黃正宜(阿正)、劉沛蘅(Hillary)和馬騮搣(Gladys)分享養貓經歷。向來真性情的阿正自爆「身教」兩隻愛貓Mocha和Dirty飲水。她笑言：「嗰時換咗部新嘅自動水機俾佢哋。點知，佢哋就覺得好高科技唔識用，甚至避開部水機。我就諗點先可以教到佢哋識用部水機同唔會驚呢？所以我決定身教，親身示範點樣用水機飲水。第二日佢哋就即刻識用！」此舉就獲Dr. Eric大讚，阿正懂用動物的語言互相溝通。
學習面對愛貓離世
當Gladys分享愛貓Tomtom因末期腎衰竭而在家中離世時，令全場女生變喊包。阿正激動大喊：「因為有時喺屋企自己諗都會喊。如果養得佢哋一個月，佢哋死咗嘅話，咁我點算呀？」她自言視愛貓如仔女，開始學習面對生離死別。《Dr. Any毛》每集邀請不同的藝人嘉賓和專家，解構寵物的各種奇難雜症，並即場替寵物做身體小測試。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
