《亞洲星光大道》RE-U，曾寶儀亦專程出席，周國豐更稱她是第一個到場。
陳蕾、古淖文、羅力威三人曾在首屆《亞洲星光大道》比賽，當時羅力威是冠軍，陳蕾及古淖文分別拿第四及第五名。不過，羅力威在樂壇的發展一般，陳蕾就成為當紅女歌手，古淖文就憑住《中年好聲音2》成功彈起。日前他們連同當時的評審肥媽、張佳添、周國豐、主持曾寶儀、林曉峰，聯同其他參賽者及幕後人員一齊慶祝節目播出15周年。
亞軍亢帥克缺席
當日由肥媽親自炮製幾十人大餐，周國豐、張佳添在社交平台分享多張合照，周國豐寫道︰「仲記得呢個節目嘛？#亞洲星光大道，當年係2009年7月19 喺亞洲電視首播，仲有幾日，輾轉15年啦。估你唔到，喺今日2024年7月16，我哋⋯再重聚。辛苦晒肥媽好好味呀！」當年奪得亞軍的亢帥克未有出席，否則5強便可以合體。
羅力威打扮如素人
不少網民看到照片之後，紛紛留言表示當年有晚晚力追。周國豐與轉行做中醫的季軍蔡梓銘的合照最好笑，他說︰「蔡梓銘幫我把脈，然後大叫：『你X街啦！』妖！點解大個咗，佢變咗一個壞人。」羅力威的打扮可以說是最隨意，有網民更一度認不出他，也有網民在周國豐的FB留言著他們鼓勵羅力威參加《中年好聲音3》。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
