Mischa表示會繼續出歌，希望今年能更多做live騷與樂迷互動。
Zeno坦言：「我真係越嚟越鍾意唱歌，我覺得之前喺舞台度搵返好多信心。」
唱作女歌手葉巧琳(Mischa)早前完成ViuTV選秀節目《全民造星III》後，乘勢推出新歌(浸浴)並舉行網上音樂會《Unbox Live series - Mischa Ip葉巧琳》，她請來因《造星III》結成好友的「組員」顧定軒(Zen)做嘉賓。Zeno首次在live音樂會演唱，雖特地找老師學唱歌，但仍緊張得口窒窒，「唱的時候，諗返起好多《造星III》嘅時光，我哋因這個節目而認識，多謝Mischa可share呢個舞台畀我，讓我可完成更多音樂上嘅嘗試畀大家。」兩人合唱《毛球》後，Zeno還獨唱了孫燕姿的《遇見》，他形容「有一種好完滿嘅感覺」。
Mischa全程坐在配合新歌《浸浴》主題、佈置成浴室的箱子中。
接著，Mischa選唱與好友Mike聯合創作《神把眼淚都留給了人》、《殘渣》、《能見度》和《二人份》等多首舊作，其間她一度感觸落淚，硬咽表示，「想藉住呢個機會唱以前寫嘅作品，那時可能冇乜人聽，好希望大家可聽到我哋嘅作品…….」Mischa在音樂會尾聲唱出新歌《浸浴》時再度眼濕濕，「好想將首歌送俾所有人，所有想喺人生裏面想重新嚟過、將一啲放低，或者去面對最真實嘅自己、接受嗰個自己嘅人，就好似我哋要擁抱返自己，重新開始過。」事後，Mischa坦言，很難得有機會舉行一個真正屬於自己的音樂會，可以唱自己的歌，不用翻唱別人的歌。
Mischa找來Zeno做嘉賓，好友波多野裕介及Victor擔任樂手。
入App免費換走健康產品
