《全民造星III》其中一個焦點落在CY陳澤民身上，昨日他在比賽中唱出《如果我是陳奕迅》。沒料CY與ViuTV製作部副總裁金廣誠的對話引起網民熱烈討論，更一度掀起罵戰，有網民表示CY因為「氹唔掂老細就比最低分」。
CY表演完後，金廣誠問道︰「你可唔可以模仿一下彭秀慧點同你講嗰句『爛泥扶唔上柄』？」之後CY就講出「爛泥扶唔上柄」，但金廣誠就指這個不是他要的答案︰「唔係，佢個樣呀？」令到CY一度摸不著頭腦，在旁的強尼說道︰「即係指好輕鬆咁講？」CY答道︰「佢咪就係咁嗰樣囉！」之後金廣誠續說︰「真係？因為我覺得你把聲有啲似EASON初期。我好想你有自己嘅STYLE出到嚟。」CY即謂︰「但係呢個係我把聲嚟喎，我平時講嘢都係咁個喎！」由於氣氛一度尷尬，強尼再轉移話題反問金廣誠是否因為看到其他東西覺得他可以做戲。
有不少網民認為CY的對答太過率真，可能因此得罪了金廣誠，所以他在專業評審部分僅得一分。網民認為CY似足不少時下打工仔，因為說話態度太過口直心快，得不到老闆歡心而隨時無運行︰「其實佢擺明唔係串，係諗到乜講乜，冇filter冇包裝，華人社會接受唔到，咁樣一句已經咁大noise」、「氹唔掂老細就比最低分。」
入App免費換走健康產品
