譚詠麟(譚校長)嘅囝囝譚曉風，以優異成績入讀英國牛津大學工程科學(Engineering Science)，今日譚校長罕有地喺微博貼上兒子碩士畢業相。赴當地同囝囝共享喜悅嘅譚校長，抱住兒子、豎起拇指，開心地喺微博寫下：「原來一個不留神Harry Pottam已經碩士畢業了！哈哈哈」。藏不住喜悅嘅譚校長，著住譚曉風嘅畢業袍，喺牛津大學影相留念，好友狄波拉亦喺現場，更作勢下跪獻花！譚校長貼文話：「信不信由你：你們剛才所看到的全是幻覺，只是你們在夢中或是睡不醒的錯覺；我才是真正的哈利波譚。嘻、嘻、嘻⋯⋯自己feel啦！」
入App免費換走健康產品
