日本歌舞伎藝人市川海老藏嘅34歲美女主播小林麻央，上月22日因乳癌逝世，遺下市川海老藏同一對仔女。近日有報道，麻央嫁海老藏後，以「梨園之妻」身分為榮，知道4歲兒子勸玄對歌舞伎表演有興趣，麻央亦瞓身支持。麻央曾寫信俾海老藏嘅幾位同事，拜託佢地喺自己死後多幫忙照顧家人。麻央病逝後遺書首曝光，海老藏先前完全不知情及不清楚信件內容。
昨晚海老藏帶住兒子首次登台，父子合體吊「威吔」，令勸玄成為史上最細完成吊威吔嘅歌舞伎，千名觀眾掌聲如雷，海老藏事後則將功勞獻給亡妻。另外，近日網民喺twitter爆料，指目擊海老藏帶麻央家姊、助理、子女等人現身東京迪士尼，批評佢妻子才剛去世，不應去遊樂場所，但亦有人認為父兼母職嘅佢只希望子女開心，外界不必咁嚴苛。
入App免費換走健康產品
