韓劇《潮拜惡魔》男星柳時元，2010年與當時仍係舞蹈學生嘅趙秀仁結婚並誕下女兒，不到2年離婚收場，兩人對薄公堂。韓國節目《聽到傳聞Show》近日爆料指，柳時元前妻表示離婚原因係喺佢坐月期間，柳有外遇，仲帶女人返屋企。柳亦承認有外遇。但當年離婚時，柳時元卻指控前妻經常衣著暴露外出，返嚟時會帶多張男人嘅名片，令佢自尊心受損。兩人嘅離婚官司糾纏近3年，柳要賠償3,000萬韓圜(約22萬港元)嘅精神賠償費及3.9億韓圜(約280萬港元)財產予前妻，女兒嘅撫養權歸前妻，柳需每月付250萬韓圜(約1.8 萬港元)俾對方作生活費。
