【天后冇人睇】瑪麗嘉兒賭城騷門票滯銷

樂壇天后瑪麗嘉兒(Mariah Carey)咁有錢，不過就被傳媒發現佢賣咗富商前夫隻700萬港元鑽戒，再買隻蝴蝶鑽戒俾自己，可能形象太差，令佢嘅賭城騷冇人睇。據網站Wonderwall報道，瑪麗於7月5日喺賭城凱撒皇宮演唱會「The Butterfly」，點知4,300個座位仲未爆之餘，仲有好多位。一名炒家表示 : 「簡直係一場災難。黃牛黨一早買咗好多飛，依家唔知點算。」其實瑪麗經理人曾勸佢選擇「細場」開騷，不過瑪麗不肯之餘，仲炒埋對方。