Now TV直播截圖。
昨日在沙田的反對修訂《逃犯條例》遊行後，警方與示威者在沙田新城市廣場爆發衝突。當時商場多個出入口被封，市民在商場內亂作一團，而不少直播片段中更見到何韻詩在場協助疏散人群，不少網民感激阿詩的幫忙。其後阿詩在Facebook內憶述當時情況，直言「入商場大家都係想走啫」。
Now TV直播截圖。
她在Facebook寫道︰「本身下午有事無參與遊行，後來見到Live開始唔對路，先趕過去。去到沙田完全圍城咁、封曬路，結果要轉去第二度搭火車過去，其實入到去已經九點幾。站內一片混亂，好多人喺商場入面受驚但又走唔到，去到閘口見到兩批防暴同便衣警察企喺商場嗰邊封曬路，並且同示威者對罵。入商場大家都係想走啫，叫人離開又唔俾人離開，入面有老有嫩，係要全副武裝恐嚇人、大打出手先得？明明合法遊行係都要流血收場，呢個到底係咩玩法？」
有在場的市民到她的Facebook留言，多謝她的幫忙。該名網民說︰「好彩有你 ，我帶2個小朋友離開，係站口你叫我慢慢，唔洗驚。 多謝你！其實我8點幾係沙田廣場食完飯想走，一岀到餐廳周圍都係警，不停敲打揮棍，趕人走，嚇到我小朋友喊，好彩餐廳俾我地入去避。」
入App免費換走健康產品
