已拳擊為題材的港產熱血電影《一秒拳王》，導演兼主演趙善恆、周國賢和張建聲等，均化身成肌肉型人，其中張建聲就要在短時間內，由200磅減磅肥佬，練到有拳手肌肉，40日內速減廿多磅，他表示，「導演搵我演出時比較急趕，我知道導演恆仔構思呢個故事已經有三年時間，所以我好高興有機會參與嘅演出，雖然要短時間內極速減磅，加上我本身唔識拳擊，不過恆仔叫我幫手時，都講明比較辛苦，我立即表示冇問題，最緊要令恆仔可以圓夢，因為夢想非常重要！」
男主角周國賢表示，非常佩服張建聲這次地獄式減磅和操練：「阿聲要由『張飛』身型變健碩，我就由A4紙嘅身型變正常身型。我每一日見到阿聲都著厚厚嘅皮衣、皮褲去操練，全身濕透，佢流出嘅汗水有幾桶水份量！真佩服佢份鬥志。」
入App免費換走健康產品
