日本女星松嶋菜菜子同反町隆史因《GTO》撻著，2001年結婚至今17年，有2個女。近日佢地一齊出席二女嘅運動會，雖然戴上黑超好低調，但白色情侶裝仍藏不住佢地嘅明星光彩。
據《週刊女性》報道，松嶋菜菜子二女讀知名私立女子小學，5月中運動會當日，佢同老公嘅白色情侶裝，係為咗幫女兒嘅白隊加油。當日菜菜子企喺人群後，後來落場同女兒一齊跳舞，觀戰時負責錄影，老公負責影相，非常合拍。
佢地嘅打扮被網民笑讚「好似拍電視劇咁。」亦有家長爆料指，「佢地平時著得好老土，家長參觀日同家長會時，都係簡單恤衫配褲、戴眼鏡。兩人經常笑，俾人有好感。」
入App免費換走健康產品
