電影《變形金剛 : 終極戰士》(Transformers : The Last Knight)劣評如潮，傳聞《變形金剛》第7集開拍無期，不過fans唔使擔心，片中最受歡迎嘅機械人「大黃蜂」(Bumblebee)嘅獨立電影會喺今年底上映，而首發預告片亦喺昨日曝光。
故事背景設喺1987年，一架黃色甲蟲車被棄置喺加州小鎮嘅廢物收集站，呢架甲蟲車就係「大黃蜂」。一名少女睇中咗呢架甲蟲車，之後將車修理好，「大黃蜂」終於現身。
呢齣可算係《變形金剛》第6集嘅電影，睇預告係sell女主角同大黃蜂嘅友情多啲。當然，打鬥場面就唔少得啦!
大黃蜂唔再係超級跑車，而係殘舊甲蟲車。
大黃蜂同女主角好多感情戲。
初期嘅大黃蜂好可愛。
入App拎12大商場蛇年利是封
