有村架純最新寫真集《Clear》封面。
呢張係最新寫真嘅澳洲取景相片。以下係架純BB過往拍下嘅性感靚相。
全球大勢所趨，網絡資訊已差不多取代印刷品，報紙雜誌停做印刷品主攻網路平台，連日本的傳統讀物「寫真集」銷量亦大受影響，沒有一定知名度，休想推出可逐頁逐頁揭的厚厚寫真集。上年，女子組合乃木坂46成員白石麻衣推出實體寫真集《Passport》，第15度加印後銷量衝破27萬本，成為本世紀最賣得寫真集，簡直救了整個日本寫真界。寫真集前途露曙光，眾人的目光也瞄準在今年5月9日推出的有村架純寫真集。
現年25歲的有村架純「自製」最新寫真集《Clear》，由攝影師、取景地、服飾等事項也由她決定，今次寫真集取景地係澳洲墨爾本，分別喺當地鬧市、沙灘及沙漠拍攝。有村架純表示 : 「呢本係我個人第3本寫真集，係作為自己25歲嘅禮物，亦紀念自己已踏出成年人嘅第一步。」
業內人士預測，白石麻衣擁有大量學生粉絲，有村架純就擁有25歲至45歲的打工一族粉絲，以消費角度嚟計，有村架純的寫真集銷量大有機會超越白石麻衣，成為最新一位「本世紀最好賣寫真集」得主。昨日，有村的事務所發布咗有村架純寫真集封面，封面相片以有村嘅透白肌膚加頭髮嘅凌亂感嚟作賣點。創意一般，但形象確實吸引。
