「最佳男配角」由袁富華憑住《翠絲》奪得。首次入圍金像獎即獲得獎項。他上台向在場人士鞠躬，接過獎項時說道︰「我好緊張，因為我係土生土長香港人，我想成為一個演員，都係因為香港電影。雖然冇乜成績，但都默默堅持好多年，有份提名嘅前輩好朋友，佢哋每位係佢哋崗位默默耕耘，任勞任怨，做好電影藝術，我想趁呢個機會，向佢哋鞠躬。」台下的廖啟智見狀立即起身。
他又續說︰「呢個議題係好難搵人投資，希望在座老闆可以支持多啲新題材。我仲要多謝一個人，唔會再用另一半，因為會引起大家對佢性別猜疑，我要多謝女朋友，佢喺我身邊支持我十幾年。」並謂會更加努力把香港電影發光發亮。
去年憑《翠絲》獲金馬獎最佳男配角的袁富華，一直被睇高一線，年逾半百的袁富華演舞名劇出身，從影23年來，較為人熟悉的角色是《喜劇之王》的黑社會大佬，直至在《翠絲》演一個有女性傾向的過氣粵劇名伶「打鈴哥」，其搔首弄姿的女性姿態，獲觀眾一致讚賞，如今大熱勝出，實至名歸。
入App免費換走健康產品
