現年51歲嘅「美魔女」江希文（Liz），當年被黎明選中成為《夏日傾城》MV女主角而備受關注，其後更成為歌手及演員，不過佢喺2015年與年長20歲嘅資深大律師胡漢清結束3年婚姻，雙方更因囡囡撫養權及生活費鬧上法庭，之後成為單親媽媽嘅江希文淡出幕前，生活亦變得低調。早前Liz喺內地社交平台小紅書開設帳戶，上載影片與網民分享近況及美顏心得。
網民讚「仲係咁靚女」
喺上月，江希文開設個人小紅書帳戶，至今一共上載5條關於入住民宿及抗老美顏心得。息影多年嘅佢依然保養得宜，身形及皮膚狀態都保持得好好，望落真係一啲都唔似已經年過半百，仲被網民留言大讚，例如「靚到呢」、「天吶 越來越美了 比年輕時更美更健康」、「個樣一d都冇變」、「希文一啲都冇變 仲係咁靚女」及「我的媽，這麼美」等等。不過佢同好多人一樣開美顏濾鏡，搞到被網民質疑濾鏡太勁，導致有少少變咗樣。
原文刊登於 Yahoo 娛樂圈
amJetso送香港迪士尼樂園成人一日門票 ⬇️⬇️立即開APP參加⬇️⬇️
