MIRROR成員Anson Lo(盧瀚霆)今日推出本年度首支跳唱單曲《Mr. Stranger》，去年憑《Megahit》取得佳績，並且衝出香港獲韓國MAMA「最佳新人亞洲歌手」的「教主」Anson Lo，曾試過壓力爆煲和鑽牛角尖，擔心不被神徒接受：「我好驚做唔到大家期望嘅Anson Lo，擔心將來嘗試唔同形象、面向，甚或揭露我鮮為人知嘅一面時，大家又會唔會接受？」故此，他希望透過新歌唱出撕開自身鮮為人知的一面時，如何擁抱自身不一樣的美。新歌MV原定於今晚9時上架，但遇技術性問題，延至10時15分左右，期間一度有2萬2千人等候，群情洶湧。MV正式上架一小時，已有逾10萬點擊，非常厲害。
教主融化高傲小妹妹
Anson Lo在MV中扮演成為吸血鬼的上班族，藉以帶出經歷內心掙扎至擁抱新身份的過程。教主為新歌MV獻出兩個第一次，其中最大挑戰是與蛇及小朋友對戲，他表示，「人生第一次同蛇合作，摸佢嘅時候冇想像中咁滑，似梳化、銀包嘅質地。其實唔危險嘅，不過要過心理關口，因為蛇嘅主人話佢第一次帶條蛇返屋企嘅時候被咬，心諗連主人都咬，我應該都走唔甩，但好彩佢好乖，辛苦晒蛇仔。」Anson Lo在MV中更會上演一幕勇救小妹妹的戲份，雖然起初小妹妹很怕醜，但很快就被友善的教主「融化」，「小妹妹好怕醜，但一off camera，佢會突然走上嚟攬住我。其實平時佢都盡量保持好高傲嘅姿態，但有時又忍唔住展現熱情嘅一面，好cute！而且佢都好落力，好盡力聽每個order與指示。」
新歌MV拍足25小時
另外，為打造吸血鬼的造型，Anson Lo上網做足資料搜集，發現吸血鬼的眼睛通常是紅、黃或者白色，他個人喜歡紅色，故特地戴紅色隱形眼鏡，平時上台表演也不時戴有色隱形眼鏡的教主表示，「不過呢一副比平時嘅Colour Con硬好多，似護目鏡，但為咗MV頂幾個鐘OK嘅。」
《Mr. Stranger》的風格黑暗節奏澎湃，在MV中自然少不了跳舞的部份，但今次穿著的服飾都十分貼身，其中一套更要戴上腰封，Anson Lo笑言：「真係唔可以食太多嘢，同埋一個月後唔知件衫仲著唔著得落呢？！」有別於前作，今次的舞步更見繁複，與舞蹈員的互動也更多，以營造吸血鬼的姿態，所以Anson Lo拍攝時也一度擔心服裝會經常走位而需頻頻NG，最終花了25小時才完成拍攝。
《Mr. Stranger》MV原定於晚上9時首播，因技術性問題延遲。
一度有2萬2千人等候《Mr. Stranger》MV首播。
大批神徒看首播，大讚教主造型可愛又靚仔。
🎁 amJetso請你睇《焚城》，快Ｄ開APP玩👇 👇
