邵初晒「破冰轉身」hold足17秒。
TVB遊戲節目《新濠風尚呈獻：濠玩夏水禮》今晚播出，林盛斌(Bob)、金剛帶領一班藝人，出發到澳門體驗最新的水上設施，盡情濕身大比拼。一眾女藝人包括余思霆、林秀怡、邵初、蘇韻姿、關楓馨和陳婉衡等，均以水着上陣，大晒美好身段。
關楓馨1秒就跌落水。
首個遊戲「狂野記憶」，隊員坐上「光速飛車」瀡滑梯期間，需要記住沿途出現過的答案，答中最多問題的一隊獲勝。大隻仔何浩文原來得個殼，瀡滑梯期間竟然驚到全程合上雙眼兼高八度奪命狂呼，miss晒沿途所有答案。出名玩得的邵初，以「破冰轉身」神技留在浮床上足足17秒，蘇韻姿則以優秀平衡力力抗邵初。至於關楓馨則僅1秒就跌落水。
蘇韻姿平衡力超勁。
「吸濕大作戰」則是全晚焦點，玩法是各隊派出一位隊員着上t-shirt，其他隊員向她瘋狂潑水，之後該隊員會脫去T-shirt扭出水份，扭出較多水的一隊勝出。有料之人思霆和陳婉衡分別出戰做「吸水寶寶」，其間陳婉衡不斷濕身除衫無限Loop，兼出盡力狂扭T-shirt，十分落力，以吊帶比堅尼上陣的思霆則歎慢版，但由於畫面唯美，Bob爭住要霸靚位一睹思霆風姿，睇唔過眼的金剛即向Bob潑水謂：「你有老婆小朋友㗎！」場面搞笑。
思霆都好搏命。
Bob本想霸個靚位，企在余思霆旁邊，誰知金剛喝住：「你有老婆小朋友㗎！」
陳婉衡玩得好落力。
amJetso 送BIODERMA救星小紅瓶🩷護膚恩物 立即按此參加👇
