Carina收到fans寄給她的99包齋燒鵝。
VIVA的Carina(李晞彤)在情人節收到一份窩心又搞笑的禮物，經理人通知她有一包裹寄到公司，打開包裹之後發現禮物係一大盒齋燒鵝，而且仲有99包。Carina非常驚喜同覺得好搞笑，坦言自己無諗過情人節禮物會是齋燒鵝。之後追溯留言就知道係一個來自澳洲的fans，準備俾她的情人節禮物。
Carina打開包裹之後發現禮物係一大盒齋燒鵝，而且仲有99包。
事緣Carina在團綜入面因為吃齋燒鵝，被Ada懷疑是她令曱甴出入的原因。在第5集，Carina被拍下多次在梳化上吃齋燒鵝。二人一齊洗碗時，Ada問到：「你琴晚係咪喺梳化上面食嘢呀？你係咪食齋燒鵝吖？」二人沉默一會，Carina忍笑問：「你又知嘅？你點解會知嘅？我整到好污糟咩？」二人隨即爆笑，Ada大笑道：「我今日就喺兩條唔同嘅罅位執到兩粒碎咗嘅齋燒鵝，哈哈。」
Carina笑說︰「其實自己都無諗過因為拍攝團綜，在鏡頭面前偷食過齋燒鵝一次之後，竟然會有Fans咁有心準備咁多包送俾我，所以唔好亂咁偷食。而我終於知道，情人節真係唔一定要收花，收到齋燒鵝我已經好滿足㗎喇！」
Carina在團綜入面因為吃齋燒鵝，獲fans送上99包齋燒鵝。
入App免費換走健康產品
