COLLAR舉行《COLLAR 2周年生日會》，與fans慶祝成軍兩年的大日子。(陳奕釗攝)
COLLAR今日於兩年前宣布成軍的尖沙咀，舉行《COLLAR 2周年生日會》與fans玩遊戲、合照和簽名，，各人分享成軍兩年的感受。同時宣布將於3月22-24日在九展Star Hall舉行首個演唱會《COLLAR CRUSH LIVE 2024》，以及籌備首張實體EP。
暫沒計劃為開騷趕出solo
COLLAR受訪時表現興奮，「一直都在說想搞演唱會，現在終於都要來了。」Winka(陳泳伽)續說，「所以是釋懷、開心、興奮和期待，同埋要諗點樣練歌練舞，可以再勁啲好啲。」Marf(邱彥筒)在台上曾表示要跳火圈，問到是否實行時，她笑言，「我會要求一下，現在要整一個意見箱。」暫時公布舉行3場，fans最關注是會否加場，芯駖問道，「希望多開幾場，如果反應熱烈，我們加場，好嗎？」至於目標能開多少場？她們笑言，「無止境，我們可以長做長有，做埋巡迴！」她們表示將會在開騷前再推出新團歌，但各成員不會在開騷前趕出solo，至於小組演出則仍在構思中，最緊要流程貼合主題。
面對衝擊 迎難而上
演唱會「CRUSH」為名，意旨無論遇上任何衝擊，都會迎難而上。海報上各人在「炒車」推中，迎風屹立，原來各人在早前最凍的日子，抵冷拍攝，芯駖表示，「我哋用咗好多心機時間去影，化妝師又好精心打造我哋嘅造型，雖然淨係影咗一張相，但係都影咗兩三個鐘。」她們表示稍後會陸續減少工作，全力籌備演唱會，但就不會完全閉關，同時亦會調節飲食作息習慣，務求以最健康的狀態開show。
問到可會邀請已退團的So Ching(蘇芷晴)觀看時，她們一致表示：「會呀！」芯駖和Gao(沈貞巧)補充說，「希望所有表演都會邀請佢嚟睇，但係都要睇佢時間，最緊要睇佢意願。」再問到首張EP會否收錄So Ching退團前的團歌？她們表示，EP全部以演唱會後的新歌為主。
吸取經驗
對於有粉絲投訴今日活動安排倉卒，導致他們趕不及請假，又要通宵輪候派籌， Gao回應，「辛苦晒大家，會吸取呢次經驗，將來會安排得好啲，因為知道大家辛苦咁凍，又排隊繼續去支持我哋。」Marf則表示：「我哋都學習緊，有咁多咁大型嘅活動，我哋要啲時間去安排，無論我哋AM定係我哋公司都係，好辛苦大家依舊都係咁支持我哋。」她們表示已積極為fans向公司爭取更多公開發售的門票。
立即更新/下載AM730手機APP 體驗升級功能
