COLLAR尾場個唱，多位成員感觸落淚。(林靄怡攝)
COLLAR一連三場《COLLAR Crush Live 2024》今晚在九展舉行，來到尾場talk的環節，Ivy So(蘇雅琳)及邱彥筒(Marf)先後多謝家人及粉絲。王家晴(Candy)多謝家人時哭成淚人，同時亦多謝fans的支持，令她無懼可以唱歌給大家聽。
Candy提起嫲嫲時，激動落淚。
Candy哭成淚人
Candy說︰「我今日有好多屋企人嚟咗，有我媽咪、有好多『爹哋』……」由於她心情激動，原意是想說「有好多friend返嚟」，之後她哽咽說︰「仲有由細湊到我大嘅嫲嫲，因為由我參加《全民造星》出道嘅時候，佢就等我開演唱會呢一日好耐，仲有公公婆婆咁早瞓都嚟睇我表演，好多謝我屋企人，多謝fans，係你哋令我有勇氣去唱歌比大家聽。」在旁的芯駖、Winka(陳泳伽)多謝公公婆婆種的蔬菜。
Winka表示今日不會講經，自言是個直白的人，常做錯很多事，但很多謝大家的陪伴，聽她的歌，令她知道有人會聽她唱歌，多謝大家入場支持，「因為呢個演唱會都講咗兩年，真係唔容易，大家一直都對我哋咁熱情，無心灰意冷都係好難嘅事，多謝你哋！」
COLLAR多位成員眼濕濕。
芯駖多謝魯生選自己
芯駖表示媽媽直至推出劇集才知她入行，很想多謝家人支持，幫她拎中藥、煮早餐，接收她所有情緖。她又稱每一個燈牌都給予COLLAR很大力量。她又提到見到謝安琪，令她回想比賽當時的心情，沒想到自此沒得瞓。她稱過了這兩年，發現自己很愛表演，每一刻跟大家表演跳舞唱歌都很享受，也明白到為何金生、魯生、花姐及Wing等選她入COLLAR，因為她的加入，令大家都知任何年紀都可以做自己，也可以有自信，也有選擇，會好好做好自己，努力做好，陪大家一齊。她又稱俗語說「三個女人一個墟」，但很開心七位成員都無分你我，從沒有是非。
Day致詞比較簡短，她多謝所有fans，並稱九展的場不是太大，所以坐到最後的燈牌都看得很清楚，多謝大家一直陪伴及到場欣賞演唱會。
芯駖開心COLLAR成員之間沒有不和。
Gao︰大家都唔係好示弱嘅女仔
Gao一開口已哽咽，她說︰「幾意想不到……無諗過我哋會開演唱會，有好多人一直喺COLLAR身邊，我唔知點樣去多謝大家好，我唔係一個將啲情緒擺上面嘅人，大家都唔係好示弱嘅女仔，我哋唔會喺IG話俾大家聽我哋好辛苦，或者唔會話俾大家聽我哋有任何傷患，但係大家就係咁樣捱過去，甚至我哋都唔會bother大家。王家晴有整親，芯駖有整親，但係你見到佢哋仲係堅持嘅時候，你都會覺得自己唔可以停。我哋唔係好柔弱嘅女仔，希望大家既然大家有緣份喺呢個地方，呢個舞台相聚，希望大家鍾意COLLAR嘅表演，亦多謝晒每位一直支持COLLAR嘅你哋。」在旁的Ivy So就強忍住淚水，之後全員合唱《Chosen Family》為演唱會作結。
amJetso 送BIODERMA救星小紅瓶🩷護膚恩物 立即按此參加👇
