腹大便便的Anjaylia，捉住Evelyn的手摸自己肚皮，祝福她不停生B。
模特兒蔡穎恩(Evelyn)昨日與攝影師譚運佳結婚，結束8年愛情長跑。其好友陳嘉寶(Anjaylia)見證儀式表示感動，並對Evelyn說：「歡迎加入人妻俱樂部！」更祝福Evelyn不停生B。
Evelyn於金鐘酒店戶外花園舉行婚禮，雙方家長和親友約50人出席，Anjaylia囡囡擔任小花女，Evelyn大讚老公好靚仔。新郎透露，婚禮籌備期間離港工作超過8個月，只可越洋籌備。談到生B計劃，新郎說：「都係追求自然，我哋都好鍾意小朋友，一切順其自然。」
未必有時間造人
Anjaylia追問Evelyn成為譚太心情，她說：「今日個個都嚟問我『緊唔緊張？』我完全冇緊張嘅感覺，因為太多嘢要處理，無時間緊張。」對於老公感性哽咽，她說：「午餐時我哋對屋企人講咗一啲深情嘅說話，佢喊，連佢好熟嘅朋友都話估唔到。其實佢好少喊，今日見到佢呢一面，重新認識佢。」Evelyn透露婚後只休息一天：「大家都好錫我，希望我放一日假才開工，工作一直排到明年。今日個個都叫我年生貴子，唔知有無時間生BB。」
Evelyn出閣 陳嘉寶祝不停生B
入App免費換走健康產品
