Netflix日劇《First Love初戀》由佐藤健和滿島光主演，劇集以宇多田光經典名曲《First Love》和《初戀》作為靈感，講述男女主角初戀分手後，相隔20年重遇嘅愛情故事，主題曲更用咗宇多田光經典歌曲《First Love》，成功勾起一眾劇迷回憶，上架至今長居排行榜三甲，而且無論是劇中取景地點、主角服裝造型還是劇情都掀起熱潮，觀眾更大讚拍攝手法唯美，且劇情夠催淚。不過，有內地網民日前翻牆睇完《First Love初戀》之後，就於小紅書怒轟劇集涉嫌辱華。
《First Love 初戀》終取代《星期三》登上香港排行榜No.1。
劇情令中國人印象變負面
該名內地網民共列出3大涉嫌辱華嘅情節，表示劇情內容令中國人印象變得負面，例如將中國人刻劃成大聲講嘢、無禮貌等形象，認為自己唔係敏感。同時自己都試過因演員、畫面、配樂及拍攝手法等而被感動至哭泣，但無法忍受涉嫌辱華，覺得一部好嘅作品係唔應該對其他國家製造偏見及抹黑，又反問大家：「沒有人覺得它對中國人不友好嗎？」
內地網民認為《First Love初戀》辱華3大情節：
- 女主角於大學時期與中國籍女生合租，嗰名中國女子除咗煮飯時煮到煙霧瀰漫，又喺上格床大大聲講電話，而下格床嘅女主角只能縮在一角繼續睇書，自私行為令人反感。
- 女主角兒子鍾意嘅女仔小詩出國工作，於機場排隊時遇到幾個中國大媽因太多行李而被職員攔下，更與職員爭執起來，擋住成條路，令小詩感到無奈又藐視佢哋。
- 最後兩集更加令網民覺得被抹黑，劇情講述新冠疫情爆發，提到「中國以外的國家也受到了影響。」，感覺似暗示疫情嘅起源源自於中國，更令其他國家地方一拼受影響。
有網民對樓主嘅言論深感認同，認為劇情安排會令觀眾覺得中國人就係如同劇中嘅模樣，不但感到被針對，觀看劇集時更感到唔舒服。不過，都有網民認為係樓主過份敏感及玻璃心，更有網民指出自己於日本生活已10年時間，對其印象的確如此；亦有網民錯重點，要樓主唔好再翻牆。
《First Love 初戀》劇照
《First Love 初戀》劇照
《First Love 初戀》劇照
《First Love 初戀》劇照
《First Love 初戀》劇照
《First Love 初戀》劇照
《First Love 初戀》劇照
原文刊登於 Yahoo娛樂LOL，am730獲授權轉載
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
