文頌男
J2節目《不正常愛情研究所》主持之一嘅文頌男（Koba），去年年底自揭喺椎間近盤骨附近位置確診見惡性尤文氏肉瘤，需全面停工休息及接受治療。
去到噚日（27日），Koba再出PO分享最新病況，指經歷五次化療後，醫生宣布治療無效，腫瘤唔單止冇縮小，反而仲變大咗。
字裏行間難掩灰心情緒
喺噚日，文頌男喺IG上載自己喺醫院嘅側身照片，已經剃光頭嘅佢臉色望落憔悴，身型亦消瘦不少；並發長文分享自己嘅最新病況，指經歷五次化療後，醫生宣布治療無效，照磁力共振後，發現腫瘤冇縮小之餘，反而仲變大咗，字裏行間難掩灰心失意嘅情緒。
不過Koba亦都強調「唔代表我放棄，我仍然好努力對抗呢個病」，繼續正面對抗病魔。呢個PO一出，唔少網民紛紛留言為佢打氣，而佢睇完留言後，亦有留言回覆大家。
原文刊登於 Yahoo 娛樂圈
立即更新/下載AM730手機APP 體驗升級功能
