JW與炎明熹將於8月20日舉行網上音樂會。
王灝兒(JW)與炎明熹(Gigi)將於下月20日舉行網上音樂會，她們表示距離演出日期只有一個月時間，心情是十分興奮。兩人大爆邀請了兩位特別嘉賓一齊玩，同是「聲夢學員」的姚焯菲(Chantel)及張馳豪(Aska)。
JW笑言：「呢排天氣炎熱到大家都唔想出街，最啱留在屋企開著冷氣聽我哋唱歌，都係一種享受，仲可以同我哋一齊Chill一晚。」Gigi開心表示：「好期待8月20日，可以同JW老師首次合作開網上直播音樂會，大家生活都好緊張，希望我哋歌聲可以令大家放慢一晚步伐，與家人、朋友一齊好輕鬆開心咁聽下歌，享受一下音樂。」
不過，今次網上演唱會只中銀信用卡用戶，門票不設公開發售。中銀Chill Card客戶就可於8月1-2日優先換取網上免費音樂會通行證 ；其他中銀信用卡客戶一樣有機，成功登記，可換購音樂會通行證。
立即更新/下載AM730手機APP 體驗升級功能
