售票網於晚上九時許顯示所有門票已售罄。
MIRROR演唱會今日開賣，約37,700張門票在實名制下於晚上9時多全部賣清光。當網站顯示「以上節目的門票已售罄」字樣，有網民表示猶如被判死刑，並在網上大吐苦水稱「玩足全日321得個吉」、「唔知自己做緊咩，好攰」。
在網站顯示「售罄」的同時，MIRROR成員盧瀚霆(Anson Lo)及呂爵安(Edan)先後出PO，網民亦隨即入內留言尋求偶像安慰。Anson Lo以新劇角色的名字留言說︰「What are you thinking about?」(你在想甚麼呢？)不少留言表示未能買飛，「好想見你但冇飛」、「諗緊點解10個鐘都未買到飛。」
Anson Lo上載「床照」慰問大家。
Edan：辛苦晒了
至於Edan則上載自彈自唱的照片寫道︰「知道大家由今朝10點買飛買到啱啱，辛苦哂了。其實我都好希望每一位想睇嘅朋友都可以睇到，希望以後有機會嘅話我哋可以再開多啲場同可以有個更加好嘅賣飛模式！」有網民表示好想哭，亦有海外歌迷希望MIRROR日後能搞巡迴演唱會。
Edan則安慰大家，希望日後可以再加場。
Jeremy中午也有IG限時動態留言「辛苦啦」安慰歌迷。
amJetso送 Bodysonic先力牌窗口式冷氣機X靜音循環風扇X電動冷凍小風扇
