電影《春嬌救志明》將於下月27日上映，早前網上流傳中女唱K視頻，余春嬌(楊千嬅)與兩位閨密Brenda(林兆霞)和Isabel(陳逸寧)自組女團「MKB48」，又唱又跳Raidas金曲《傳說》，非常惹笑。
日前，3女更到錄音室認真灌錄歌曲和拍攝MV，人生首次踏足錄音室的Brenda和Isabel，心情非常緊張，唱錯歌詞、入錯拍字、撞咀疊聲等十分蝦碌，加上大笑姑婆千嬅在場，自然笑聲不絕。千嬅表示：「其實我哋今日已經好收歛，平時更加瘋狂，笑到收唔到掣。因為識咗8年、合作咗3集，拍到入晒血，抽離唔到，將戲裡面嘅經驗當成現實！」戲中被黃曉明迷戀的Brenda立即心心眼說：「如果係現實就好啦！」Isabel成盆冰水照頭淋：「人哋結咗婚，生咗仔啦！」
入App免費換走健康產品
