![許靖韻為著泳衣上陣,已開始節食keep fit。](https://cdn.am730.com.hk/s3fs-public/styles/article_image/public/2024-07/WhatsApp%20Image%202024-07-17%20at%2010.46.42%20AM.jpeg?itok=AH86xNG6)
許靖韻為著泳衣上陣,已開始節食keep fit。
「New Bomb音樂會」早前公布泳兒(Vincy)率領同門師弟洪助昇(Aiden)、黃明德(Dark)及黎展峯(Andy)第一擊後,今日公布由許靖韻(Angela)聯同Arvin曾傲棐及女團VIVA及接力演出第二場。
音樂會於全新場地海洋公園水上樂園的「Aqualand」舉行,Angela坦言享受戶外騷演出,可與樂迷更近距離按觸:「之前收到嗰三套泳衣都試過晒,暫時都Fit嘅!不過我騷前我都唔敢食太多嘢,要保持最佳身型同大家見面。 早排為咗巡迴音樂會買咗支新電結他,希望可以練多啲歌,到時同band一齊喺台上面夾嘢,畀一個熱辣辣嘅夏天大家。」
以勁舞震撼眼球
問到VIVA可會跟Angela一樣泳衣上陣,VIVA笑言要反其道而行,穿型格皮褸,「視覺上嘅震撼係講緊跳舞,因為嚟緊我哋就會推出第二首歌,我哋喺新歌MV入面嘅造型都係以型格皮褸亮相,歌曲嘅節奏同埋喺舞蹈編排上會比第一首歌強烈好多,曲風啱晒戶外show,至於衣著⋯⋯等我哋四個投票決定,希望到時俾到驚喜大家。」
busking出身唔怕熱
今年出道的曾傲棐(Arvin)首次為戶外音樂會演出,他正苦惱歌單安排:「因為我同VIVA都唔係好多自己歌,所以都懊惱緊cover啲乜嘢歌,不過方向都係配合番夏日主題。」Arvin又笑言可能玩跳唱,實行向VIVA挑機。Busking出身的他自言習慣外戶表演不怕熱,呼籲大家在他的社交平台留言點歌,會盡量滿足歌迷要求。