許濤在晚會上宣布TVB員工加薪，曾志偉感激全台上下努力。
無綫今日在電視城舉行「TVB職藝員聯歡晚宴2025」，筵開120圍盆菜。行政主席許濤上台表示公司的財務表現不斷改善，今年更可以轉虧為盈，即場宣布所有員工都可以加人工。曾志偉在影大合照時，就提到自己回TVB時，是公司最低潮的時間。
許濤在會上表示2024年是難過的一年，外圍經濟環境、甚至媒體娛樂行業，都要面對好大挑戰。他表示公司今年成功面對挑戰，在業務上及節目上都獲得認同。他說︰「公司係年年虧損之後，由今年全面轉正！為咗俾你哋更多動力同表示答謝，公司會透過人事部執行加薪嘅動作，每一個部門都有得加！」
他表示加多少就係論功行賞，「只要覺得自己好有貢獻，或者覺得自己非常有潛質，必須好有力咁樣展示喺部門主管，數字（薪酬）就會比你想像中更加高，最後再一次多謝大家有更好嘅2025年。」全場所有人聽到加人工之後，立即歡呼拍掌。
許濤開心TVB的業務在多年虧損下轉正，宣布全台加人工！(羅錦鴻攝)
曾志偉在影大合照時，就表示多謝TVB的台前幕後，他說︰「TVB捱過最艱難嘅3年，我返嚟嘅時候，係TVB最低潮，但經過呢幾年，因為大家、所有TVB嘅成員一條心做好TVB，好多謝你哋！依家我哋行出去講你係TVB嘅人，人哋都會話『多謝你哋做咗好多好節目、好劇集，多謝！』呢個係我哋proud of做TVB嘅人！多謝你哋！我哋要繼續加油！」
曾志偉感激TVB上下過去幾年努力。(羅錦鴻攝)
TVB大搞盆菜宴，接近二百多位藝人出席。(羅錦鴻攝)
入App拎12大商場蛇年利是封
