2018-08-19 17:15:00

中電總裁蔣東強入得廚房？　

工程師出身的中電總裁蔣東強，原來都入得廚房唔失禮。蔣東強同中電企業發展總裁莊偉茵(Quince)，夥拍名廚陳國強師傅，同埋星級女煮人梁雅琳(Hilda)，用網上紅爆嘅日系電磁爐煮返幾味，即席炮製「客家小炒配牛油果薄罉」同「露笋年糕雞」，睇落個樣都認真唔錯。

蔣東強同莊偉茵屋企係「電廚房」，無講錯，因為佢地用嘅都係電磁爐煮食，電磁爐最大優點係喺鍋具「直接加熱」，熱力唔會流失到周圍嘅空氣令氣溫上升，直接加熱鍋具唔單止熱力勁，夠鑊氣，仲可以縮短烹煮時間，自然慳返唔少錢。