「職場欺凌」事件時有發生，最近就有一位曾經在某意大利品牌時裝店任職的女售貨員，於連登開post，講述自己的不快經歷。
話說事主自問在任職期間，一直保持良好態度，然而與上司和同事並不投契，「間舖成班女人，經理帶頭，一開聲就粗口橫飛，唔係問候人阿媽就問候人阿爸，開口埋口就講人是非。所以基本上小妹我已經知道同佢哋係兩個世界嘅人」。一日，她突然被經理責罵，「啲同事全部都好乖，全部都係返去換晒制服去廁所啊之類先出嚟打卡，你呢就一返嚟打咗卡先換衫去廁所乜乜乜，其實你想點？」事主解釋：「唔好意思經理，冇同事同我講過。我會注意。」經理隨即表示：「咁我而家咪同你講囉！明未？」事主覺可悲的是，從來沒有同事向她講解上班程序和細節，卻向經理「篤背脊」。
事主在連登開po講述經歷。
請病假成辭職導火線
事主僅任職兩星期就遞辭職信，導火線源於一次請病假。一晚，她透過WhatsApp群組向經理解釋因感冒發燒，翌日無法上班，卻引來經理及同事們連串單打，「有預知能力」、「你預唔預知到之後佢仲返唔返呀」、「X你都廢X事」等等，她無法忍受遭到圍攻，最後選擇離職。
事主在連登開post講述經歷，隨即獲得一眾巴絲力撐，有人呼籲向該意大利時裝品牌投訴之餘，甚至亦有人將經理及一眾同事「起底」，公開電話號碼及FB帳戶等資料，誓要為事主討回公道。
【限時激減】800 amFUN 2盒！1200 amFUN 4盒！
