余寶美指，康城首都涉事單位難完全修復，或有長遠影響。(資料圖片／林俊源攝)
將軍澳日出康城首都一個住宅單位，裝修期間違規拆去部分主力牆。屋宇署署長余寶美今日（31日）接受電台節目訪問強調，她昨日稱被拆除主力牆只佔全層大廈結構牆1%，不代表影響細；而樓宇整體結構無危險，亦不代表沒有長遠影響。她又指，即使日後完成修復後，可達到法例標準，但亦未必可百分百回復原有的狀態。
修復後不等於回復原有狀態
余寶美表示，涉事主力牆無拆除近窗邊、承托橫樑的地方，對維持大廈結構有幫助，「可能市民未係完全理解，佢嗰幅牆拆個部份，唔係拆到去邊邊，佢只係近窗邊、個結構窗痴住窗嗰度，係承托住個窗邊上面有個橫樑，嗰一部份結構牆佢係冇拆到。」故署方經整體評估後，認為有關改動對大廈結構無危險。
當被問及業主修補主力牆做法，能否完全解決結構安全問題。余寶美回應時指，屋宇署方仍要詳盡調查之後所衍生的長遠影響，「打咗個窿再修補返，梗係唔係幾好，所以我哋成日話唔好隨便做呢樣嘢，有陣時有啲嘢做咗真係好難返轉頭。」她續稱，「我只能夠咁講，拆咗個窿修補返，理論上係可以達到返法例上嘅標準，但你不能夠話補返，就等於100%同原本一樣，回復原有狀態，咁梗係唔係等於。」
屋宇署不接受業主目前加裝的臨時支架。(資料圖片)
目前加裝臨時支架直言「不收貨」
對於目前業主在打穿主力牆的位置，加裝臨時支架，她更直言「不收貨」：「個支架我哋係唔接受，始終佢都係承重有個重量。」而余寶美透露，署方已與業主委任的結構工程師達成共識，包括盡快安裝「千斤頂」取代臨時支架。她強調，業主須作出修復，包括接駁鋼筋等，相信其委任的結構工程師需時不久便能提交報告，而署方亦會審視有關修復方案，是否能達到現時法例標準，強調會盡快審批。
最後，她指署方經過專業評估，才能判斷到涉事單位的改動，並不對大廈結構構成危險，周邊住戶毋須過份憂慮。同時亦會調查事件，並要求涉事各方接受問話，之後亦會諮詢律政司法律意見，決定下一步行動，而調查方向亦包括承建商其他單位。
