事主上載的相片顯示，代幣與黑色圓邊之間仍可看到紅色。(FB群組「美國冒險樂園關注組」圖片)
掟彩虹是連鎖室內遊樂場常設遊戲之一，但近年網上不時有玩家貼出現場備受爭議的「賽果」，部分更尋求執法部門協助。近日有網民上載一幅相片指，在美國冒險樂園屯門時代廣場分店掟彩虹時，視覺上在紅色圓形上的代幣與圓形黑色邊框仍有距離，惟被店舖經理裁定為「唔中」，並稱已就爭議報警求助。
▼放大相片可見代幣與黑色圓邊之間仍有距離▼
網民：咁明顯中都話唔中
不少網民研究事主張貼的照片後，紛紛支持事主已經中獎，「咁明顯中都話唔中」、「隻藍腳都見到咁都可以話唔中」、「緊(梗)係中喇，黑線都掂唔到」、「仲睇到藍腳指……咁都唔叫中？」亦有留言質疑為何要報警，事主解釋指負責職員裁定不中獎後，經理亦得出同樣結論，「因為經理睇過話我唔中，所以先至要報警。」
事主相隔約10分鐘後更新稱，店內有另一名經理已經了解事件並判定中獎，「事情已解決，多謝各位。」有網民直言「一啲歡樂都冇， 又要人氣憤咁爭取」、「解咩決，次次都係咁，中左(咗)話冇中」、「玩個遊戲都幾大壓力。」有留言就指另一連鎖室內遊樂場的做法較優勝，「會叫停，用專用放大鏡頭放大比你係(喺)電視睇清楚。」
amJetso送太興鮮臘腸 👇立即按此參加
